السلام عليكم ورحمة الله وبركاته
اخواني اخواتي . . .
حبيت اوريكم الفرق بين البنت الناعمه والبنت الدفشه
وهي كالاتي :
البنت الناعمه :
تنام بغرفتها والدبدوب والارنوب كلهم باحضانها وتقوم من النوم الساعه وحده الظهر
واللي تحصيها من النوم الخدامه وطبعا تكلم معاها بالانجليزي
والناعمه اول ماتقوم تفتح الشباك علشان تنفس الغرفه , وتشغل اغنيه رومانسيه
وتاخذ حمام محترم وبعد ماتطلع من الحمام تحط من هالكريمات والصبغ (تعرفون لازم تحافظ على بشرتها ) وخلصت من المرايه وتتجه الى الاستشوار وبعدين تلبس البنطلون والبلوزه وتنزل تاكل فطورها اللي عباره عن دونت وعصير برتقال
البنت الدفشه :
تقوم الساعه ثمان الصبح وهي ماودها تقوم وتدخل عليها امها وتصرخ عليها وتقولها : قومي بسج نوم ترد الدفشه على امها : زين اللحين ابقعد وتافففففففف , بالاضافه الى انها كل دقيقه تطيع من على السرير , وبعدين يدخل عليها اخوها الصغير ويصرخ ويقولها : وجع بسج نوم يالله قومي ترد عليها اخته الدفشه وتقوله : اطلع بره ولا احذفك من الدريشه , المهم اخوها اللي اكبر منها يروح لها بالغرفه ويلقاها للحين نايمه ويعطيها احلى رفسه
ويقولها : قومي وثول وتصحى الدفشه من النوم
البنت الناعمه :
ماتغدى الا الساعه 4 ولا 5 وما تغدى الا عيش مسلوق ابيض وشوية سلطه
تعرفون محافظه على رشاقتها
البنت الدفشه :
ماتغدى الا الساعه 12 بالضبط وماتاكل الا مجبوس لحم او دجاج مع بيبسي
ولما تخصل غداها تشرب قلاص لبن علشان تقيل
البنت الناعمه :
طلعتها من بعد صلاة المغرب علشان تخاف على بشرتها من اشعة الشمس
البنت الدفشه :
طلعتها الساعه 3 بعز القايله تروح اتمشى لبيت خوالها ليما تنقلب سمره
البنت الناعمه :
تروح ستار بكس او كافيه وقبل لا تطلع تمر الصالون تحط الميك الاب
البنت الدفشه :
تحط كحل تارس عينها وتصبغ وجهها من الميكاج اللي ماتعرف تحطه واذا راحت للسوق يا سوق الجمعه ولا سوق الحراج
البنت الناعمه :
اذا تبي تضحك (هههههههه) وايدها على حلقها من الخجل والضحكه من الصعب انك تسمعها
البنت الدفشه :
اذا تبي تضحك ها ها ها ها ها والشارع اللي وراهم يسمع ضحكتها
البنت الناعمه :
اذا تبي تسمع اغاني طبعا ماتسمع عربي , ماتسمع الا ريكي مارتن لوسامته
وممثلها المفضل توم كروز لانه حلو وميل جبسون وجيم كاري لخفة دمهم
البنت الدفشه :
ممثلها المفضل بو هلال وعبدالناصر درويش
ومطربها المفضل خالد الملا ومزعل فرحان وفهد السعيد
البنت الناعمه :
اذا تبي تفرج على التلفزيون تقعد على الكرسي ورجل على رجل وتبتسم لانه الابتسامه تضفى بشاشة على الوجه
البنت الدفشه :
تنسدح على الارض وتحط راسها على المخده وتمد ارجولها وتحطها على التلفزيون , واذا تبي تغير القناة دقت التلفزيون باصبع رجلها وغيرت القناة
البنت الناعمه :
اذا تبي تحلم احلام اليقظه تروح لحديقة المنزل وقعدت على الكرسي الهزاز
والكرسي يروح ويرجع
البنت الدفشه :
تروح للحوش وتفرش وتفرش البساط اللي فيه مية لون احمر وخمسين لون اخضر واسود وجابت معاها قلاص طوله ثلاثه متر فيه شاي
البنت الناعمه :
تقولكم في نهاية الموضوع تشاو او سي يو او باي
البنت الدفشه :
تقولكم حياكم الله ... تامرون بشي يالربع